Aj zindagi ka sauda karke aaye hain,
Apni chahat ki ye daastan laaye hain,
Log zindagi me pyaar maangte hain,
Hum pyar me maut maangkar aaye hain...
Chaha hai unhe jaan se jyaada,
Maanga hai unhe saanson se jyaada,
Aj lekar unki khushion ka khuda se vaada,
Unke aansu meri aankhon se bahen,ye dua maangkar aaye hain,
Hum aj pyaar me maut maangkar aaye hain...
Socha tha paayenge unka pyaar,
Ye sochke kia humne apne jazbaaton ka izhaar,
Khuda ki marzi se mila bas unka inkaar,
Hum usi inkaar ko uski rehmat maan kr laaye hain,
Hum pyaar me maut maangkar aaye hain...
Har dhadkan me awaaz unki aati hai,
Har jhalak me tasveer unki bas jaati hai,
Har saans me mohabbat unki beh jaati hai,
Unke bina jeene ki himmat to thi bas unke liye marne ki kismat maangkar aaye hain,
Hum pyaar me maut maangkar aaye hain...
Ae khuda,unhe tujhse pehle puujte hain,
Unke chehre me tera aks dhuundte hain,
Teri meher unpe barasti rahe,sache dil se aarzo kia krte hain,
Is aarzo k liye khudse haarkar aaye hain,
Hum pyaar me maut maangkar aaye hain...
Ab to apne anjaam ka intezaar hai,
Unki khushi k liye hume khuda pe aitbaar hai,
Chahat aaj bhi unki hume beshumaar hai,
Par unki muskaan ke badle me apne jeevan ki lakeerein mitakar aaye hain,
Hum pyaar me maut maangkar aaye hain...
Log zindagi me pyaar manngte hain,
Hum apne pyaar k liye kisi aur ki mohabbat maangkar aaye hain,
Hum apne liye us khuda se maut maangkar aaye hain,
Hum unke pyaar me apne liye maut maangkar aaye hain...
