Ik pari ko dekha hai...

Aaine me utarkar uske aks ko dekha hai,
maine dil me utarkar uski mohabbat ko dekha hai,
uske hothon se fisalkar uski muskaan ko dekha hai,
aankhon me rehkar uske aansuon ko dekha hai,
ye koi khwaab nahi hai,main sach kehta hu,
maine isi zameen par ik pari ko dekha hai...

 

 

Dua me samakar uski,maine khuda ko dekha hai,
raaton me uske haseen sapnon ko dekha hai,
uske dil ki gehraai me ek achhai ko dekha hai,
uske chehre ke noor me uski khudai ko dekha hai,
koi kissa ya kahaani nahi,main sach kehta hu,
maine zameen par utri ik pari ko dekha hai...

 

 

Maine ik chandni raat me uski tanhaayi ko dekha hai,
uski baaton me ek bachhe ki sachhai ko dekha hai,
uske gusse me maine ik bebasi ko dekha hai,
aur mohabbat me uski maine ik jannat ko bhi dekha hai,
apne haathon ki lakeeron ko dekhkr yakeen nahi hota,
par sach kehta hu,maine apne naseeb me us pari ko dekha hai,
maine zameen par aayi us pari ko dekha hai.....