Ik gumnaam andheri raat me,ik tanha sunsaan raah pe,
koi anjaan shaqs chalta hai,
Na use khud ki fikar,na hai koi jaan ka darr,
yuhi vo shaqs chalta hai,
Aankhen uski nam hain,saansen bhi madhham hain,
kuch aise hi vo chalta hai,
Koi manzil nahi jise paana ho,na koi rehne ka thikana ho,
akela vo chala jaata hai,
Ek saathi tha vo chuut gaya,ek sapna muqammal hoke tuut gaya,
lekar seene me ye gham,vo anjaana chalta hai,
Kucha ladkhadata hua, girta sambhalta,bejaan awaara,
vo shaqs chalta hai,
Na jaane kyu vo jaana pechaaana lagta hai,
duur se to koi deewana sa lagta hai.
Kareeb se dekhta hun to ehsaas hota hai,
ye to chand ki roshni me mera hi SAAYA mere sang chalta hai....
